Kronikë

2 persona kapen kur po shkëmbenin kokainën, sekuestrohet drogë dhe para



Bëhu pjesë e Grupit Zyrtar të Opinion.al
>> KËTU <<
               Publikuar në : 10:11 - 11/02/22 |
Opi Nion

Një operacion policor i koduar “Thread”, është finalizuar nga policia, në kuadër të goditjes së një aktiviteti kriminal në fushën e prodhimit dhe shpërndarjes së lëndëve narkotike.

Autoritetet bëjnë me dije se janë vënë në pranga A.D.,19 vjeç dhe A.P., 62 vjeç, banues të dy në Tiranë.

Këta dy persona janë kapur nga oficerët e policisë në bulevardin “Zhan D’Ark”, në momentin që po shkëmbenin lëndën narkotike me paratë, brenda automjetit të shtetasit A. P.

Nga veprimet hetimore ka rezultuar se shtetasi A. D., pasi siguronte sasinë e lëndës narkotike në qytetin e Durrësit, e transportonte atë në Tiranë dhe ia shiste shtetasit A. P., i cili e shpërndante në doza të vogla në zona të ndryshme të Tiranës, kryesisht në zonën e Bllokut, në Rrugën e Elbasanit dhe në afërsi të Piramidës.

Gjatë këtij operacioni u sekuestruan në cilësinë e provës materiale 570 gramë narkotike kokainë, dy automjete, katër aparate celulare dhe 889.000 lekë të rinj, që dyshohen se janë përfituar nga ky aktivitet i paligjshëm.

Ndërkohë, vijon puna për identifikimin dhe kapjen e personave të tjerë të përfshirë në këtë aktivitet kriminal./Opinion.al

Pas