Një 37-vjeçar është arrestuar nga Policia e Durrësit në vendin e quajtur “Rrotondo e Plepave” pasi është kapur me 2 kg fara të lëndës narkotike cannabis sativa.
Sipas autoriteteve, në pranga ka rënë S. P., banues në Kavajë, i dënuar më parë për veprën penale “Prodhimi dhe shitja e narkotikëve”.
Policia njofton se “gjatë kontrollit fizik të shtetasit S. P., iu gjend një sasi prej 20 gr fara të bimës narkotike cannabis sativa dhe në bagazhin e mjetit janë gjetur në dy kuti kartoni me një sasi prej 2 kg fara të lëndës narkotike cannabis sativa, të cilat u sekuestruan në cilësinë e provës materiale.”
Ndërkohë, autoritetet vijojnë punën për identifikimin dhe kapjen e personave të tjetër të përfshirë në këtë veprimtari kriminale./ Opinion.al
