Nga Aurenc Bebja*, Francë – 1 Prill 2020
“Journal des débats politiques et littéraires” ka botuar, të mërkurën e 9 marsit 1932, në faqen n°2, një shkrim në lidhje me shkarkimin asokohe të të gjithë gjyqtarëve të Gjykatës së Kasacionit nga qeveria mbretërore shqiptare, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :
Shqipëri
Revokimi i dhjetë gjyqtarëve
Na shkruajnë nga Tirana :
Zyra e shtypit shqiptar komunikon shkresën në vijim :
“Qeveria mbretërore, pasi konstatoi se sjellja e gjyqtarëve të Gjykatës së Kasacionit ishte e papajtueshme me misionin e tyre të lartë dhe se mosmarrëveshja midis anëtarëve minonte prestigjin e Gjykatës, deklaroi se gjyqtarët nuk mund të mbaheshin në funksionet e tyre.
Qeveria mbretërore, duke pasur si qëllim pastrimin e Gjykatës së Kasacionit dhe e bazuar në ligjet në fuqi, vendosi të shkarkojë të dhjetë anëtarët e saj.
Vendimi iu komunikua të interesuarve nga Ministria e Drejtësisë.
Pas disa ditësh, qeveria do të emërojë gjyqtarë të rinj që paraqesin të gjitha garancitë e nevojshme për misionin e tyre të lartë.”
Nga Aurenc Bebja, Francë, Blogu © Dars (Klos), Mat – Albania,: https://www.darsiani.com/la-gazette/journal-des-debats-politiques-et-litteraires-1932-kjo-eshte-arsyeja-e-mbylljes-se-gjykates-se-kasacionit-nga-qeveria-mbreterore-shqiptare/
