Pasditen e sotme kanë mbërritur në Tiranë 192.000 dozat e para vaksinës kineze “Sinovac”.
Gjatë konferencës për shtyp Kryeministri Edi Rama nga aeroporti i Rinasit u pyet nëse ishte rastësi që ardhja e një sasie kaq të madhe dozash përkonte me nisjen e fushatës elektorale vetëm 2 orë më pas, 18:00.
Rama e konsideroi të gjithë këtë si një koicidencë e që sipas tij këto janë muhabete që bëhen kur nuk ke gjë tjetër për të thënë.
“Nëse do të ishte e mundur të merreshin një ditë më parë, 10 apo 20 ditë më parë unë nuk do të prisja të ndodhte ky përkim. Pastaj se cfarë do me thënë kjo dhe se si ndodh kështu, kjo janë biseda lidhur me koicidenca që bëhen zakonisht kur nuk ke ndonjë muhabet tjetër për të bërë” tha Rama./Opinion.al
