Detajet rrëqethëse janë zbuluar nga ngjarja në Shënavlash të Durrësit ku 50-vjeçari Pëllumb Meta u vra nga vajza e tij 19-vjeçare, Hygerta Meta dhe u varros brenda rrethimit të shtëpisë.
Dyshohet se e reja është ndihmuar edhe nga vëllai i saj i madh. Pra, dyshohet se motër e vëlla janë bashkëpunëtor në vrasjen e të atit.
Policia ka dyshime që 19-vjeçarja është ndihmuar për groposjen e trupit për faktin se viktima ishte me fizik të madh dhe e reja nuk mund ta kryente e vetme vrasjen dhe fshehjen e trupit.
Këto janë dyshimet që kanë bërë që aktualisht në ambientet të ndodhet e ëma, 19-vjeçarja si dhe djali i madh i familjes.
Kujtojmë se pasi është ekzekutuar, 50-vjeçari është mbështjellë me plastmas dhe pastaj është futur në një gropë për të mbuluar gjurmët e këtij krimi.
Sipas burimeve, familjarët kanë treguar se ai ishte një person autoritar dhe askush në familje nuk vepronte përkundrejt dëshirës së tij dhe kjo herë pas here bëhej shkak për nxitje konfliktesh dhe debatesh brenda tyre.
Krahas fëmijëve në komisariat është shoqëruar edhe bashkëshortja e 50-vjeçarit.
