Një incident i rëndë u shënua sot në Bulqizë por fatmirësisht pa viktima. Policia tha se një 19 vjeçar shtiu me armë drejt makines ku udhëtonin dy vellezer. Ai ka qenë edhe më parë i proecduar për konflikte.
Njoftimi i policisë
Sot rreth orës 10.20, në rrugën e pazarit, Qytet i Vjetër Bulqizë, si pasojë e një konflikti është qëlluar me armë zjarri në drejtim të automjetit tip Opel, ku udhëtonin dy shtetasit E.M, dhe E.M, (vëllezër) banues në Bulqizë, pa shkaktuar dëmtime në njerëz.
Falë veprimeve të shpejta dhe profesionale të kryera nga shërbimet e policisë ka rezultuar se autori i dyshuar i kësaj ngjarje është shtetasi Elidon Tançi, 19 vjeç, banues në Bulqizë.
Ai ka qenë i proceduar më parë nga policia për veprën penale “dëmtime tjera me dashje”.
Autori është shpallur në kërkim dhe po punohet për kapjen e tij.
Grupi hetimor vijon hetimet për zbardhjen dhe dokumentimin e plotë të ngjarjes si dhe po hetohet nëse ka persona të tjerë të implikuar në këtë ngjarje.
