Vetëm pak javë pasi zyrtarizoi ndarjen me modelin 25-vjeçar Younes Bendjima, duket se Kourtney Kardashian ka gjetur një të dashur të ri, aktorin 20-vjeçar Luka Sabbat.
Një burim pranë familjes Kardashian ka thënë se, dyshja nuk janë vetëm miq dhe së shpejti do ta bëjnë lidhjen zyrtare.
Janë të pandashëm. Ai i ka takuar fëmijët e saj më parë dhe nuk po e marrin aspak ngadalë”, shprehet burimi.
Ai ka lindur në vitin 1997 në New York dhe pjesën më të madhe të fëmijërisë e ka kaluar mes atij qyteti dhe Parisit.
Ai është aktor, model dhe sipërmarrës.
Me një nënë stiliste dhe një baba që zotëron një shtëpi mode, nuk është surprizë që rezymeja e tij është shumë e pasur për një 20-vjeçar.
Ai ka luajtur si aktor në serialin “Black-ish” dhe ka qenë model në sfilatën e Kanye West për koleksionin “Yeezy Season 1” në 2015-n. Ai gjithashtu ka sfiluar për “Evian”, “Footlocker”, etj.Sabbat e cilëson veten si sipërmarrës kreativ, për pozicionet e stilistit, drejtorit krijues dhe dizajnuesit. Ai është shfaqur me Kourtneyn në disa evente gjatë këtij muaji.
Ai është mik i familjes Kardashian-Jenner por dhe i modeles Bella Hadid.
