Policia italian, ka vënë në pranga një shtetas shqiptar, i cili ka kërcënuar se do të vriste ish gruan e tij.
Sipas mediave italiane, shqiptari kishte deklaruar me zë të lartë në publik se kishte ardhur për ta vrarë atë, dhe duke pasur marrë parasysh precedentët e tij të mëparshëm, për dhunë në familje policia e mbante nën vëzhgim .
Ngjarja ndodhi rreth orës 2 të mëngjesit, mbrëmjen mes të martës dhe të mërkurës, kur ata e bllokuan shqiptarin teksa po përpiqej të futej në shtëpinë e ish bashkëshortes.
51 vjeçari me origjinë shqiptare me banim në Cecina, ishte ndarë nga gruaja pak kohë më parë. Por mesa duket ai nuk e ka pranuar këtë situatë.
