Një vajzë saudite po mbahet me forcë në Bangkok, kur u përpoq t’i shpëtonte dhunës së familjes, pasi ata e kërcënuan se do ta vrisnin sapo të mbërrijë në shtëpi.
18-vjeçarja Rahaf Mohammed al Qunun është bllokuar në aeroport që prej mëngjesit të së dielës.
Ajo synonte të arrinte në Australi dhe të kërkonte azil, por një zyrtar saudit në aeroportin e Tajlandës konfiskoi pasaportën e saj, pasi babai i saj njoftoi për udhëtimin pa “kujdestarin” e tij. Ai pohoi se vajza e tij është e sëmurë mendore, por nuk mund ta provonte diçka të tillë.
Rahaf duhej të shoqërohej nga Bangkoku në Kuvajt mëngjesin e sotëm. Një zyrtar i imigracionit të Tajlandës konfirmoi se Qunun ishte ende në dhomën e hotelit të hënën.
“Jam e frikësuar. Vëllai më tha se po më priste me disa meshkuj saudit. Ata do të më dërgojnë në Arabinë Saudite dhe babai do më vrasë, sepse është shumë i inatosur. Familja ime e bën këtë, i njoh mirë. Ata më thonë gjithmonë se do të më vrasin nëse bëj një veprim të gabuar, ma kanë thënë që kur isha fëmijë”, tregoi adoleshentja për “DailyMail”.
Ajo jeton bashkë me prindërit dhe 6 vëllezërit e motrat në Ha’il të Arabaisë Saudite, ku babai i saj punon si zyrtar në qeveri. Rahaf thotë se është dhunuar nga familja e saj, madje është mbyllur në dhomë për 6 muaj pasi preu flokët. Ndërsa tani ajo pohon se ka hequr dorë edhe nga islami.
Kur ata udhëtuan për në Kuvajt, ajo u arratis duke blerë një biletë për në Tajlandë dhe nga aty synonte Australinë me ndihmën e një miku.
Burimi: Daily Mail
