Detaje të reja zbulohen për ngjarjen e rëndë që ndodhi mbrëmjen e djeshme në Shkozë.
Siç mësohet nga Klan News, sherri mes të rinjve ka nisur për një vajzë.
Mësohet se gjatë lëvizjes me makinë, 4 autorët e dyshuar dhe viktima kanë shkëmbyer ofendime me njëri-tjetrin, ndërkohë që vajza në fjalë ndodhej në makinën e 18 vjeçarit, i cili fatkeqësisht ndërroi jetë.
Më pas sherri verbal ka agravuar në përplasje fizike, aq sa 20-vjeçari F.Sh. dhe 4 të miturit kanë përdorur thikat. Goditja me thikë ishte fatale për të riun Aurelio Dervishi. Ky i fundit vdiq rrugës për në spital.
Shoqërimi në komisariat i 4 të dyshuarve u bë i mundur mëngjesin e sotëm. Sipas bluve, ata u gjetën në zonën e Farkës.
