Të shtëna me armë zjarri janë regjistruar ditën e sotme në rrugën “OSBE” në Kamëz.
Mësohet se një 18-vjeçar i identifikuar si Armir Hasa, ka qëlluar me armë zjarri gjatë një konflikti një 16-vjeçar, duke e lënë të plagosur në këmbë.
I plagosuri është transportuar për në spital, ku po merr ndihmën mjekësore. Ndërkohë, policia po vijon punën për arrestimin e autorit të ngjarjes.
Materialet do ti kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
