Nga të shtënat e ushtrisë izraelite pranë një qendre shpërndarjeje të ndihmës humanitare në Gaza mbetën të vrarë të paktën 18 palestinezë.
Siç raportohet nga mediat incidenti ndodhi në Korridorin Netzarim, pranë një objekti të drejtuar nga Fondacioni Humanitar i Gazës (GHF).
Agjencia palestineze e lajmeve WAFA raportoi se më shumë se 100 persona u plagosën në incident, teksa forcat Mbrojtëse të Izraelit (IDF) i kundërshtuan deklaratat palestineze, duke thënë se trupat kishin qëlluar vetëm “të shtëna paralajmëruese”.
“Trupat e IDF-së qëlluan me të shtëna paralajmëruese për të distancuar të dyshuarit që po përparonin në zonën e Wadi Gaza dhe përbënin një kërcënim për trupat. Kjo pavarësisht paralajmërimeve se zona është një zonë aktive luftimesh. IDF është në dijeni të raporteve në lidhje me disa individë të plagosur në zonë. Një hetim fillestar sugjeron se numri i individëve të raportuar të plagosur nuk përputhet me informacionin e mbajtur nga IDF”, tha IDF në një deklaratë.
Përleshje vdekjeprurëse pranë pikave të shpërndarjes së ndihmave janë raportuar vazhdimisht ditët e fundit.
