Një 17 vjeçare është gjetur e vetëvarur nga familjarët e saj, ndërsa paraprakisht Policia dyshon se shkak ka qenë depresioni.
Burime të Policisë bëjnë të ditur se “ngjarja ka ndodhur në orët e vona të së dielës, kur 17 vjeçarja është ngjitur në papafingon e banesës së saj, dhe është vetëvarur me litar.
Kanë qenë prindërit e saj ata të cilët kanë parë mungesën e vajzës në banesë dhe më pas e kanë gjetur atë të vetëvarur.
Edhe pse menjëherë ka mbërritur ambulanca, mjekët nuk kanë mundur dot ta shpëtojnë adoleshenten, pasi e kanë gjetur të vdekur.
Paraprakisht grupi hetimor pasi ka marrë në pyetje të afërmit e vajzës, konstaton se shkak mund të ketë qenë një depresion i çastit.
Gjithsesi hetimet vazhdojnë për të zbardhur të plotë rrethanat e vdekjes së 17 vjeçares me iniciale A.B.
Panorama
