Të paktën 17 misionarë amerikanë janë rrëmbyer nga një bandë kriminale në periferinë lindore të Port-au-Prince në Haiti. Lajmi është bërë i ditur nga burimet lokale të sigurisë, që raportojnë se mes personave të rrëmbyer ka dhe fëmijë.
Ata janë tashmë në duart e një bande të armatosur, e cila prej muajsh ka organizuar vjedhje dhe rrëmbime në zonën midis kryeqytetit të Haitit dhe kufirit me Republikën Domenikane, tha një burim që megjithatë, nuk është në gjendje të sqarojë nëse është bërë ndonjë kërkesë për shpërblim./Opinion.al
