16 vjeçarja Greta Thunberg është kthyer tashmë në simbolin e qëndresës, vendosmërisë dhe frymëzimit. Ajo kandidon për çmimin prestigjoz Nobel, dhe u bë e njohur kur nisi e vetme një grevë në shkollë për ndryshimet klimatike. Greva e të rinjve për Klimën fton nxënësit që çdo të premte të bojkotojnë mësimin dhe të protestojnë për ndryshimet klimatike.
Bojkotimi i mësimit, për protestën për ndryshimet klimatike, pritet të ndodhë në 1,659 qytete në 105 vende të ndryshme të botës, duke përfshirë qindra mijëra nxënës e studentë e profesorë të tyre dhe u inspirua nga Greta.
Nëse ajo do të fitojë çmimin, do të jetë fituesja më e re në histori, ndërsa më herët ky çmim u fitua nga Malala Yousafzai, 17 vjeçare nga Pakistani.
“Ne kemi propozuar Greta Thunberg, sepse nëse nuk bëjmë asgjë për të ndaluar ndryshimet klimatike, do të jetë shkaku i luftërave, konfliktit dhe refugjatëve“, tha deputetja norvegjeze socialiste Freddy Andre Ovstegard për agjencinë e lajmeve AFP.
16-vjeçarja reagoi në Twitter e përveç falenderimeve të përzemërta për kandidimin u shpreh se çdo të premte, ajo dhe miqtë e saj në mbarë botën do të bojkotojnë mësimin për të ardhmen e tyre, dhe do ta bëjnë derisa të jetë nevoja./Opinion.al
