“Ika me të dashurin nga shtëpia, pasi prindërit nuk e pranonin atë si dhëndër të tyre. Ne duheshim, kishim lidhje prej një viti dhe unë kisha vendosur të martohesha me të. Kisha vënë në dijeni familjen që në fillim të lidhjes, por ata më kërkonin të ndahesha prej tij me argumentin se isha shumë e re, se i dashuri im Ermiri ishte i pashkolluar dhe se unë duhej të vijoja studimet e larta”. Kështu ka deklaruar në polici, 16 vjecarja nga Durrësi që u largua nga shtëpia.
Gazije Kazija, u kthye dje në shtëpi, një javë pasi ishte larguar në mënyrë misterioze me të dashurin drejt Sarandës. Adoleshentja, gjimnaziste në Durrës, u vetëdorëzua dje bashkë me të dashurin nga Fieri, Ermir M., 19 vjeç, të cilin, sipas të dhënave nga hetimi, e kishte njohur nëpërmjet rrjetit social “Facebook”.
