Vetëm 16-vjeç Gabrieli është një djalë nga Roskoveci të cilit emigracioni nuk i shkoi aspak siç e priste. i ka treguar në rubrikën ‘Kam një mesazh për ty’ të emisionit “E diela shqiptare” në Tv Klan, sesi u nis me kushëririn e tij për në Itali si dhe peripecitë dhe sfidat që ju desh të kalonte.
Vështirësitë bën që Gabrieli të kalonte një atak paniku e të kthehej në Shqipëri pas 90 ditësh. Ditën e sotme ai ka ftuar tezen e tij Jetën, për t’a falenderuar që i ka qëndruar pranë pas kthimit të tij nga Italia.
“Çdo ditë flisja me kushurirën që kisha në Itali dhe isha i gatshëm të largohesha sa më shpejt. Unë dhe kushëriri ishim dy adoleshentë këmbëngulës dhe donim të ndiqnim ëndrrat tona, gati për sfida të reja. Familjet u dorëzuan, sepse ne nuk na ndalonte dot askush. Atje shkuam në një qendër komunitare për adoleshentët e pastrehë ku do të merrnim dokumentet, por gjërat nuk shkuan sipas planit tonë. Ne na ndanë në dy qendra të ndryshme ku ndiqje shkollën, aktivitete të ndryshme sociale dhe merrje një profesion. Ishte sfida më e vështirë e jetës. Atje nuk ishte parajsa, por vetëm ankth, përdhunime, lëndë narkotike, më dukej absurde dhe isha me fat që nuk u ndikova. Nuk isha mësuar me atë jetë. Kishte nga vende të ndryshme si Afrika, Azia, Europa dhe nga Shqipëria, qëndrova rreth 90 ditë, por në një darkë bie pa ndjenja dhe iki menjëherë në spital, kalova atak paniku nga stresi. Nuk rrija dot më atje dhe u riktheva në Shqipëri, por u shkëputa nga shkolla për 1 vit. Të gjithë më thonin dështak dhe u larguan nga mua, nuk përballoja dot më asgjë. Në Roskovec kam tezen që më jep dashuri dhe kurajo, ajo është forca ime, falë asaj unë sot kam forcë të vazhdoj shkollën. Tezja ka një pastiçeri dhe gjithmonë më jep ëmbëlsira,”-tregoi Gabrieli.
Jeta, tezja e Gabrielit ndihet mjaft e emocionuar që është pjesë e emisionit dhe se ndodhet në Tv Klan. Pas pyetjes së Ardit Gjebreas se kush është në anën tjetër të murit, ajo tregon se mund të jenë fëmijët e saj, kolegët e punës ose Buqja, nëndrejtoresha e një shkolle dhe i fundit në listë ishte Gabrieli.
Më pas një nga gazetarët i sjellë disa ëmbëlsira asaj, për t’i kujtuar asaj Gabrielin, por ajo mendon se ka lidhje me ndonjë fejesë dhe nuk ka asnjë ide.
Vetëm në sajë të këmbënguljes së njerëzve të tij më të dashur e mbi të gjitha të teze Jetës, Gabrielit iu rikthye besimi se ai mund t’u bëjë ballë sfidave të vështira./Opinion.al/
