Mes dhimbjes është përcjellë në banesën e fundit, 16 vjeçari Visi Karaj nga fshati Sdojan i Dibrës. Ai ka lënë pas një enigmë të madhe…Askush nuk di të thotë se çfarë e shty drejt aktit ekstrem të vetëvarjes në stallën e bagëtive. Gjatë dëshmisë në polici, prindërit kanë thënë se bënin një jetë normale. Ata kishin marrë me qira një lokal të vogël në Peshkopi, ku punonin edhe dy djemtë.
Ditën e djeshme (kur ndodhi ngjarja), ata thanë se janë ngritur në 05:00 të mëngjesit për tu nisur për punë, ndërsa kanë gjetur djalin të varur në litar në kasollen e gabëtive. “Rreth orës 05.00 u ngritëm për të udhëtuar drejt Peshkopisë, për të hapur lokalin. Për çudi Visnjoli nuk ishte në krevatin ku flinte zakonisht. Dera e shtëpisë ishte e hapur. Nisëm të kërkojmë. Djali i madh vajti te hauri. Doli duke bërtitur. Visi është varur, thirri. Shtangëm të gjithë. E gjetëm pa frymë”, thanë prindërit për policinë.
Të pyetur se a kishte shfaqur probleme, familjarët thonë se ai kishte tentuar dy-tri herë të emigronte drejt Italisë, por për mungesë dokumentesh dhe parash ishte kthyer mbrapsht.
*Në foto viktima Visi Karaj
