Kyle Giersdorf, një adoleshent amerikan është tashmë kampioni botëror i lojës kompjuterike, Fortnite, duke fituar shumën rekord prej 3 milionë dollarë. Kjo është shuma më e madhe e fituar në historinë e lojërave online, teksa 30 milionë dollarë janë shpërndarë në mes të fituesve të tjerë.
16-vjeçari, ka fituar garën i vetëm në Stadiumin Arthuer Ashe në Nju Jork, ndërsa pas fitores tha për BBC-në se dëshiron që ta kursejë pjesën më të madhe të shumës së fituar.
“Gjithë çfarë dua momentalisht është një tavolinë e re dhe ndonjë një tavolinë tjetër për trofeun tim”, ka thënë ai.
Në finalen e lojës Fortnite kanë marrë pjesë 100 lojtarë, që kanë garuar në ekrane kompjuterike masive, ndërsa rreth 40 milionë të tjerë kanë tentuar të kualifikohen gjatë 10 javëve të garës online.
Lojtarët futen në një ishull, ku duhet të gjejnë armë, të ndërtojnë struktura dhe të eliminojnë njëri-tjetrin, derisa njëri prej tyre të arrijë cakun.
Jo më larg se në muajin prill, Duka i Sussex-it ka kërkuar që kjo lojë të ndalohet, pasi sipas tij “krijon varësi” dhe është e tejmbushur me dhunë dhe armë./Opinion.al
