Zamira Durda, është nëna e një 7 vjeçari që humbi jetën në tragjedinë e Gërdecit dhe që prej asaj kohe ka kërkuar dënimin e personave përgjegjës. Prej 16 vitesh Durda shkon në organet e drejtësisë, por nuk ka gjetur drejtësi për djalin e saj dhe 25 viktimat e tjerë të tragjedisë.
Në një prononcim për mediat nga Gërdeci ku u përkujtuan viktimat për 16 vjetorin e tragjedisë, ajo tha se përsa kohë nuk ngrihet akuza e vrasjes ndaj përgjegjësve, nuk do të ketë drejtësi.
“Po zhgënjehem nga dita në ditë edhe në dyert e SPAK sepse nuk duhet ta ulin vetë ata prokurorë dhe të pranojnë ato pyetje, të mos flitet për viktimat dhe pasojat po vazhdojnë akoma me akte administrative jo e firmose ti. Është qesharake për viktimat. Janë 26 viktima. Djali im ka 16 vjet që më tretet. Gërdeci është krim shtetëror dhe duhet të hetohet e gjithë piramida, sepse të gjithë kanë dijeni për atë që ndodhte këtu. Me korrupsion po dalin me dy vjet dënim, për sa kohë nuk ngrihet akuza e vrasjes. Më intereson të ngrihet akuza e vrasjes, ne si familjarë nuk do të kemi drejtrësi. Do të ngrihemi ne vetë dhe të bëjmë drejtësi.”, u shpreh Zamira Durda.
