Kreu i sindikatës së naftëtarëve Sokol Dautaj, gjatë një interviste në emisionin “Opinion” ka bërë të ditur kërkesat e kësaj kategorie kundrejt qeverisë.
Dautaj u shpreh se përfaqësia e naftëtarëve ka kërkuar takim me ministren Balluku lidhur me pagesat e prapambetura prej vitit 2016, të më shumë se 500 naftëtarëve.
Dautaj tha se naftëtarët kanë edhe në gjyq të fituar në vitin 2017 ndaj kompanisë “Armo”, ndërkohë që flitet për 16 muaj pagesa të pashlyera.
Nga ana tjetër, ngërçi i krijuar me këto pagesa lidhet me faktin, që rafineria e Ballshit ka ndërruar një sërë kompanish dhe administratorësh përgjatë viteve të fundit, ku askush prej tyre nuk ka marr përsipër detyrimet e punonjësve.
Në fund të intervistës, kreu i sindikatës u shpreh se në rast të moskthimit të rafinerisë në punë apo mbylljes së saj, punonjësit e saj kërkojnë nga qeveria trajtimin me statusin e plotë./Opinion.al
