Në Shqipëri po dominon nënvarianti i Omicron BA2. Sipas specialistëve të ISHP, kjo situatë e qëndrueshme në Shqipëri me raste sporadike pritet të jetë edhe në javët në vijim.
“Aktualisht situata paraqitet e qëndrueshme me një vijueshmëri me luhatje të vogla me një incidencë të ulët dhe një pozitivitet të ulët. Parashikimi është që do vazhdojë situata e qëndrueshme. Javën e fundit ka një rritje të lehtë të incidencës në grupmoshën e re 35-44 vjeç, varianti BA2 qarkullon në 90 % të rasteve”.
Shifrat e ulëta të infektimeve me Covid kanë bërë që shumë bashki të jenë “Covid Free”.
“Janë rreth 16 bashki, kryesisht të vogla, të cilat prej 2 ose 3 javësh janë pa asnjë rast dhe çdo ditë po vërtetohet që situata është e qëndrueshme”.
Edhe pse Shqipëria po regjistron shifra të ulëta infektimesh me Covid, specialistët e ISHP thonë se masat anti-Covid nuk do të hiqen./ Tv Klan
