Deklaratës së kryeministrit Rama se në 20 ditët e para të gushtit të këtij viti në Shqipëri kanë hyrë 16.5% më shumë turistë së të gjithë gushtin e vitit të kaluar i është përgjigjur ish-kryeministri Sali Berisha.
Në një status në Facebook Berisha shkruan se kjo është një gënjeshtër pasi shifrat që i referohet Rama nuk përputhen me shifrat e INSTAT. Rama deklaroi dje se 20 ditët e para të gushtit në Shqipëri kanë hyrë 1 milion turistë, sipas tij 16.5% më shumë se gjithë gushti i vitit të shkuar.
Berisha shkruan se sipas llogaritjeve të Ramës, “gjate gjithë gushtit te vitit te kaluar te kenë hyre ne Shqipëri gjithsej 835 mije turiste apo 165 mije turiste me pak se sa ne 20 ditët e para te këtij gushti”.
Por duke ju referuar të dhënave zyrtare të INSTAT, ish-kryeministri konstaton se në gusht të 2018 në Shqipëri kanë hyrë 1,449,952 pra ishte 779,952 persona më shumë nga sa pretendon kryeministri Rama. /Opinion.al
