Të paktën 155 persona janë vrarë dhe mbi 100 të tjerë janë plagosur pasi disa militantë të dyshuar kanë shpërthyer një bombë dhe kanë sulmuar me armë një xhami në provincën e Sinait Verior në Egjipt.
Sulmi ndodhi në qytetin Bir al-Abed afër al-Arish, gjatë faljes së të premtes, ndërsa zëdhënës të Ministrisë së Shëndetësisë thanë për agjencisë shtetërore të lajmeve se numri i të vdekurve mund të rritet në orët në vijim.
Ushtria egjiptiane prej tre vitesh lufton militantët e ISIS-it në Sinai.
Presidenti i Egjiptit, Abdel Fattah al Sisi ka thirrur një takim urgjent të sigurisë në kryeqytetin Kajro. /tvklan.al
