Sekretari për çështjet ligjore në Partinë Demokratike, Çlirim Gjata, thotë se po përgatiten deklaratat në të cilat deputetët e PD-së do të dorëzojnë mandatet e tyre. Ai theksoi se dorëzimi i mandateve është nominal dhe jo kolektiv.
Ndërkohë që deputetët do ta dërgojnë deklaratën e tyre në Kuvend, pjesa tjetër, që gjendet në listat e PD-së dhe që fiton automatikisht mandatin për shkak të dorëzimit të të parëve, do ta dërgojë deklaratën në KQZ. Lista e PD rezulton të jetë me 194 kandidatë, nga të cilët fituan vetëm 43, që do të thotë se ka 151 kandidatë që mund të zëvendësojnë 43 të larguarit.
LEXO EDHE: 151 kandidatë në “listën e pritjes”, a do të ketë surpriza nga PD?
“Po përgatiten deklaratat sepse ato bëhen nominale. Të gjithë deputetët kanë rënë dakord. Është shtruar në kryesi. Sot vulën e fundit e ka Këshilli Kombëtar. Absolutisht një gjë na thonë qytetarët, jeni të vonuar. Do jetë deklaratë noiminale e njëjtë për të gjithë. Ne si opozitë heqim dorë dhe nuk pranojmë zëvendësismin e mandateve. Ligji e ka, kur mbaron lista e partisë dhe koalicionit, mbaron lista, s’ka më nuk kalon se nuk ka koalicion. Kur mbaron lista e partisë nuk ke ku shkon herë tjetër”, tha Gjata për Abc News. Ai renditi dhe arsyet se pse u mor ky vendim.
“Në të paktën tre qarqe është vërtetuar që janë përgjuar duke biseduar me kriminelë për të blerë vota dhe kjo nuk hetohet sepse prokurorinë e ka kapur Edi Rama. Me ça t’i mbajmë ne kriminelët me komisionerë votimi? Ata kërkojnë një ndërhyrje jo të fortë politike, një tërmet, vullkan politik prandaj u mor ai vendim. Ai popull foli, ne lexuam protestën. Kjo qeveri ka rënë, ka rënë ky parlametn. Mënyra si sillet qeveria me ligjin dhe kushtetutën, ka rënë kushtetuta dhe ligji”. G.F Opinion.al
