Një inxhinier i OSHEE-së ka rënë në prangat e policisë, pasi instalonte aparate matës të energjisë elektrike kundrejt pagesave të konsiderueshme. “Prokuroria Pranë Gjykatës së Shkallës së Parë Tiranë kërkoi arrest në burg për shtetasin B.Ll., 46 vjeç, banues në Tiranë, me detyrë inxhinier elektrik i OSHEE-së, për veprën penale “Korrupsioni pasiv i personave që ushtrojnë funksione publike”.
Nga hetimet disa mujore me metoda speciale për procedimin penal 6738/22, rezultoi se 46-vjeçari, gjatë ushtrimit të detyrës iu instalonte shtetasve, në ambiente të ndryshme, matës energjie elektrike, kundrejt shpërblimeve të konsiderueshme. Nga hetimet, rezultoi se shtetasi B.Ll ka marrë 150.000 lekë për vënie aparati matës kur tarifa është 24.000 lekë”, njoftoi prokuroria.
Bëhet me dije se aparati matës është vënë nga elektricisti B.A., që është faturist dhe nuk ishte i zonës ku vendosej aparati matës./Opinion.al
