Gjatë vizitës së tij në Meksikë, Papa Françesku ka vizituar edhe një spital pediatrik, ku ai takoi dhe puthi dhjetëra fëmijë të sëmurë.
Momenti më prekës ishte kur një vajzë 15-vjeçare këndoi në një version shumë të bukur “Ave Maria” për Papën. Ajo emocionoi jo vetëm Atin e Shenjtë, por edhe stafin e spitalit, përfaqësues të tjerë të kishës, prindër, të cilët kanë shpërthyer në lot.
Vajza është 15-vjeçarja Alexia Garduño, e cila vuan nga një lloj kanceri i kockave.
Papa Françesku do të udhëtojë në vende të tjera të varfra në Meksikë për të shpërndarë frymën e besimit dhe të shpresës.
