Është vetëm 15 vjeç, por është futbollisti më i ri nga i cili kanë hedhur sytë skuadrat më në zë të Premier Leagues angleze. Luke Matheson, paraditen e së martës ishte në shkollë si të gjithë bashkëmoshatarët e tij, por pasdite ëndrra u bë realitet.
Talenti i Rochdales u befasua kur trajneri i tha që është pjesë e ekipit në ndeshjen ndaj Bury-t, por surprizat nuk mbaruan këtu. Vetëm 13 minuta në stol dhe një dëmtim i Randall, bëri që 15-vjeçari të debutonte në futbollin profesionist.
Ai nuk zhgënjeu, madje shkëlqeu, duke u shpallur lojtari i ndeshjes në fundin e takimit. Disa nga lojtarët në fushën e lojës ndoshta ishin në moshën e babait të tij, por në fund ishte Luke që shkëlqeu. Manchester United e Chelsea janë vënë në gjurmët e talentit dhe tashmë synojnë ta “rrëmbejnë” atë sa më parë.
