15 persona janë shoqëruar nga policia e Lezhës në përpjekje për të zbardhur grabitjen e një supermarketi pranë kryqëzimit të Tales në superstradën Lezhë-Laç. Mes tyre janë punonjësit e supermarketit dhe disa të tjerë që dyshohet të kenë dijeni për ngjarjen.
5 autorët që ishin të veshur si punonjës policie të ndërhyrjes së shpejtë kanë arritur të marrin xhiron ditore të biznesit, rreth 2 milion lekë të reja dhe disa steka me cigare.
Aktualisht vijon kqyrja e kamerave të biznesit dhe të një karburanti ngjitur me supermarketin ku është vënë re se grabitesit jane futur me dritat e mjetit te fikura në parkingun e marketit në mënyrë që të mos bien në sy.
Ata udhëtonin me një Reno të bardhë ndërsa targa e mjetit ende nuk është saktësuar. Buriome policore thanë se autorët ishin të armatosur me shotgun dhe pistoleta dhe nuk u lanë asnjë mundësi reagimi punonjësve të supermarketit.
Policia ngriti postoblloqe në rruget që lidhin Lezhën me Milotin, por nuk ka mundur të ndalojë autorët e kësaj grabitjeje.
Tv Klan
