Efektivi Ndue Ndoj një ditë më parë u tentua të merrej peng.
Mësohet se për këtë ngjarje është bërë shkak një borxh i vjetër prej 15 mijë euro që vëllai i efektivit të policisë së Lezhës, i kishte 3 personave me origjinë nga Kukësi, të cilët tentuan ta merrnin peng mëngjesin e së martës pranë Akademisë së Sigurisë në Sauk.
25-vjeçari ka deklaruar se nuk i njehte agresorët, ndërsa në pritë e nxori kolegu i tij që mbeti i plagosur, nënkomisar Ervis Murati.
Efektivi është shprehur se, duke i drejtuar pistoletën në kokë, autorët i kanë kërkuar të hipte në makinën që e priste te dera e lokalit, pranë Akademisë Sigurisë.
Efektivi ka rrëfyer se ka qenë Murati që e kishte thirrur nga kafeneja, ku 25-vjecari po konsumonte me tre kolegë të tjerë të kursit.
Ndërkohë, Ervis Murati mbeti i plagosur me një plumb në bark dhe ndodhet jashtë rrezikut për jetën në spitalin e Traumës.
Gjatë kohës që pengmarrësi i ka kërkuar të futej në makinë, efektivi i është bindur autorëve, por më pas Ndoj ia ka rrëmbyer nga dora armën e zjarrit duke plagosur Muratin.
Efektivi është shprehur se nuk e ka dashur të qëlloj 27-vjeçarin, por arma është shkrepur në mënyrë të pavullnetshme.
Ndoj ka pohuar se pengmarrësit nuk i njeh dhe nuk ka pasur konflikte të mëparshme me ata. Ndërkohë, i plagosuri Murati edhe pse është tentuar të merret në pyetje të Shërbimi për Çështjet e Brendshme dhe Ankesave nuk ka pranuar të flas për ngjarjen, duke kërkuar që sqarimet e tij ti jap në një moment të dytë./ Opinion.al E.Xh.
