Katër oficerë policie janë plagosur në një incident me armë zjarri në qytetin Kolorado Springs të Shteteve të Bashkuara. Një numër ende i panjohur civilësh mund të jenë plagosur, ka deklaruar për mediat lokale një zyrtare e policisë. Forcat e rendit deklarojnë se autori i të shtënave, të cilat ata i cilësojnë si “breshëri aktive”, është ende në kërkim.
Ngjarja është verifikuar në një klinikë mjekësore, por ende nuk dihet nëse ka qenë ndërtesa në fjalë shënjestër e autorit. Forcat e policisë u kanë thënë tregtarëve dhe shitësve në zonën përreth që të qëndrojnë të mbyllur deri në një urdhër të dytë.
