Ditën e sotme ministria e Shëndetësisë njoftoi se në harkun kohor të 24 orëve kanë humbur jetën 6 persona, ndërsa janë konfirmuar me COVID-19 dhe 122 persona të tjerë.
Edhe ditën e sotme është regjistruar një numër i lartë i personave që kanë mposhtur koronavirusin, sipas ministrisë në 24 orët e fundit janë shëruar 141 qytetarë.
Ndërkohë, aktualisht në spitalin Infektiv dhe “Shefqet Ndroqi” po trajtohen 185 pacientë të konfirmuar pozitivë me COVID-19, 22 në terapi intensive nga të cilët vetëm 8 pacientë janë të intubuar.
Në dy spitalet COVID janë gjithashtu duke marrë shërbim të specializuar 40 qytetarë të cilët kanë qenë pozitivë me COVID-19 dhe aktualisht janë negativizuar, por po vijojnë të marrin trajtim spitalor për pasojat e sëmundjes./ Opinion.al
