Një operacion për trafik ndërkombëtar droge është ndërrmarë nga Drejtoria e Hetimit Antimafia në Itali(DIA).
Si rrjedhojë u ekzekutuan 14 urdhra arresti të lëshuara nga Prokurori i Përgjithshëm i Barit kundër personave me banim në Cotta dhe gjithashtu në Salerno të cilët ishin përgjegjës për trafikimin ndërkombëtar të një sasie shumë të madhe të lëndëve narkotike.
Mbi 40 agjentë dhe ushtarë të Dia-s, në bashkëpunim me efektivët e Policisë Italiane, Karabinierët dhe Guardia di Finanza zbatuan urdhrat e arrestit ndaj 9 shtetasve italianë dhe 5 me kombësi shqiptare.
Hetimet të cilat kishin filluar në maj 2016, bënë të mundur sekuestrimin e 2.3 tonëve lëndë narkotike të llojit marijuanë, kokainë dhe heroinë, me vlerë 15 milionë Euro, përgjatë periudhave të ndryshme kohore.
Pas dënimit të Gjykatës së Apelit të Barit të datës 10 maj 2021, u shqiptuan dënime nga 2 deri në 20 vjet, pasi Gjykata e Kasacionit njohu edhe ekzistencën, për disa të dënuar, të rrethanës rënduese të “transnacionalitetit” e krimit të trafikut ndërkombëtar të drogës.
Operacioni i DIA-s italiane është kryer në bashkëpunim me autoritetet shqiptare. Në Mars të vitit 2018, dy organizata kriminale që vepronin në Bari, por që kishin degëzime dhe në Shqipëri, u goditën nga autoritetet italiane.
Të dyja organizatat kriminale kishin një interes të përbashkët në Itali me organizatat kriminale puliane përgjegjëse për detyrat logjistike ndërsanë Shqipëri organizatat kriminale ishin përgjegjëse për prodhimin, paketimin, klasifikimin dhe transferimin e drogës.
Mediat italiane raportojnë se hetuesit e DIA-s monitoronin furnizimin me drogë në Shqipëri dhe më pas lënda narkotike transportohej në Itali gjithmonë përmes detit me anë të skafeve nga bregdeti shqiptar drejt Puglias.
