Kryekomisionieri Ilirjan Celibashi nuk ka dhënë një përgjigje sot lidhur me regjistrimin ose mos regjistrimin e PD së Alibeajt për zgjedhjet e 14 majit.
I pyetur nga gazetarja e Klan News, Klesiana Omeri lidhur me regjistrimin e PD në KQZ, Celibashi theksoi se vendimin do merret pasi të mbarojë afati 48 orësh.
Përsa i përketë dokumentacionit që duhet të plotësojë kryetari ligjor i PD, Lulzim Basha, kryekomisionieri u shpreh se afati mbaron sot në orën 24:00.
Ilirjan Celibashi: Pasi kalon afati 48 orë që kam lënë në dispozicion do të marr vendimin. Mund t’ua vë në dispozicion edhe vendimin e arsyetuar. Në lidhje me regjistrimin e PD si subjekt zgjedhor do të përgjigjem kur të mbarojnë 48 orët. Vendimarrja e KQZ e çfarë ndodh është në përputhje me parashikimet e kodit zgjedhor. Ajo u imponua nga rrethanat, nga procedurat që duhet të kryejë një komision. Indrit Sefa ka të gjithë legjitimitetin për të paraqitur kërkesat apo propozimet për emërim të anëtarëve të KZAZ-së, po ashtu kam thënë që selia e Partisë Demokratike ka legjitimitetin, se kush hyn në seli kjo nuk është çështje e jona.
Pyetje e gazetares Klesiana Omeri: Çfarë do të ndodhë me shkresën që Indrit Sefa ka dorëzuar në KQZ duke theksuar se nuk do ta sjellë dokumentacionin që ju kërkuat, do të shtyhet afati për plotësim apo nuk do të regjistrohet PD si subjekt zgjedhor?
Ilirjan Celibashi: Vendimi apo përgjigjien për pyetjen tuaj unë si kryekomisioner do e marr pasi të ketë kaluar afati 48 orë, dokumentacioni në bindjen time duhet plotësuar sepse është i mangët. Me interpretim të ligjit 48 orëshi përfundon sot në orën 24:00./ Opinion.al
