Enrico Rossi, guvernatori i Toscanas në Itali, dha alarmin për përhapjen e koronavirusit nga jashtë, duke kërkuar sërish bllokimin e fluturimeve.
“Il giornale” raporton se gjatë 24 orëve të fundit në Toscana janë konfirmuar 16 raste të reja me koronavirus, ku 13 prej tyre ishin kishin ardhur nga Tirana dhe një nga Ekuadori.
“Qeveria duhet të ndërhyjë, në veçanti ministritë e Brendshme dhe Shëndetësisë. Nëse gjurmimi i pasagjerëve dhe mbikëqyrja aktive e tyre nuk është e mundur, do të ketë vetëm një mundësi: bllokimin direkt të fluturimeve”, ka kërcënuar guvernatori Rossi.
Më tej, guvernatori është shprehur me tone të ashpra se qeveria italianë duhet të lëvizjë menjëherë, për të bërë gjurmimin e këtyre rasteve, siç thekson Rossi “për të penguar çdo shpërthim të ri të virusit”.
Nga fillimi i pandemisë në shkurt, Toskana ka regjistruar 10,375 persona të infektuar me Covid-19.
Kjo është hera e parë nga muaji mars që nuk ka të sëmurë në terapi intensive në repartet Covid në spitalet në Toskana. Por rajoni është i shqetësuar për të infektuarit që vijnë nga jashtë kufijve./Opinion.al
