Aktori i famshëm francez Gerard Depardieu po akuzohet për ngacmim seksual ndaj grave.
Trembëdhjetë gra së bashku me një viktimë të dyshuar të përdhunimit, kanë akuzuar yllin francez për sjellje seksualisht të papërshtatshme, sipas mediave të huaja.
Ato kanë ngritur një sërë akuzash ndaj aktorit, duke thënë se ai i ka ngacmuar me gjeste ose fjalë gjatë xhirimeve të filmave apo serialeve, gjatë viteve 2004-2022.
Depardieu, i cili bëri emër me hitet si The Green Card dhe The Last Subway, i ka mohuar me forcë akuzat nëpërmjet avokatit të tij.
Asnjë nga 13 akuzat e reja, disa prej të cilave janë bërë në mënyrë anonime, aktualisht nuk janë kallëzime formale penale, thonë mediat e huaja.
Por kjo nuk është hera e parë që aktori akuzohet për ngacmim seksual. Kujtojmë që në vitin 2020 është akuzuar nga aktorja Charlotte Arnoux, e cila pretendon se është përdhunuar dy herë gjatë gushtit të vitit 2018./Opinion.al
