PARIS – 129 të vdekur, 352 të plagosur është bilanci i atentave ne Paris mbrëmjen e së premtes. Autoritetet franceze kanë zbardhur identitetin e disa prej viktimave, ndërsa shumë prej tyre janë ende të paidentifikuar, shprehet Balkanweb.
E përditshmja britanike “The Guardian” bën të ditur se viktimat e deritashme, të identifikuara nga organet policore franceze, vijnë nga 15 shtete të botës. Kështu, sipas të dhënave të deritashme, të vrarët janë shtetas nga Algjeria, Belgjika, Brazili, Britania e Madhe, Franca, Kili, Meksiko, Maroko, Portugalia, Rumania, Spanja, Suedia, Zvicra, Tunisi dhe Amerika.
Sipas BBC, deri më tani është zyrtarizuar vrasja e një shtetasi britanik, i quajtur Nick Alexander, i cili u vra në teatrin “Bataclan”, ndërsa dy të tjerë arritën të shpëtonin.
Francezja Djamila Houd, 41 vjeçare, ishte nënë e dy fëmijëve, e cila mbeti e vrarë në sulmet në Paris. Thomas Ayad, 34 vjeç nga Amien, producent muzikor, ishte gjithashtu në teatrin ku mbetën të vrarë me dhjetëra shikues. Një tjetër person i cili njihet vetëm me pseudonimin “Dado”, 44 vjeç ishte një agjent taksash, i pamartuar dhe që kishte zgjedhur që të premten ta kalonte në koncertin e grupit amerikan “The Eagle of Death Metal”.
Gjithashtu, e vdekur ka mbetur edhe Asta Diakite, kushërira e mesfushorit francez që luan me përfaqësuesen, Lassana Diarra. Ai e konfirmoi vdekjen e të afërmes së tij nëpërmjet rrjeteve sociale. Cedric Mauduit, ishte një tjetër viktimë, që punonte si këshilltar bashkiak në Paris, ai ndodhej në teatrin ku ndodhi masakra së bashku me miqtë e tij, njëri prej tyre gazetar i “France 24”. I vdekur mbeti edhe Quantin Bpulanger, 29 vjeç nga Reim. Mathiu Hoche, gazetari i “France 24” mbeti gjithashtu i vrarë në sulmin në teatër.
Guillaume B Decherf, një tjetër gazetar i revistës “Les Inrocks”, revistë kjo kulturore e orientuar drejt muzikës. Ai ishte në teatër për një reportazh të grupit amerikan. Studenti nga Londra Valentin Ribet dhe amerikania Nohemi Gonzalez ishin gjithashtu mes viktimave. Një shtetas spanjoll, 29vjeçar ka mbetur i vrarë gjithashtu në teatër. Ai është Alberto Gonzalez Garrido. Mes viktimave janë edhe dy gra nga Tunizia, të cilat janë konfirmuar motra mes tyre. Ato ishin duke festuar ditëlindjen e një shoqeje të tyre në Paris.
