Kryeministri Edi Rama ka zhvilluar ditën e sotme rubrikën “Sy m’sy” në rrjete sociale, në makinën e tij teksa është duke udhëtuar.
Ai i është përgjigjur një qytetari në rrjetet sociale që i thonë se mjaft qëndroi për 12 vite në pushtet.
Teksa listoi disa shembuj në vendet e BE, ku kryetarët e qeverive kanë qëndruar për 4 mandate, Rama theksoi se do të qëndrojë në pushtet sa të dojë populli.
“Nëse kjo është një anomali, po të drejtoj nga Gjermania, ku dy kancelarë kanë qëndruar me 4 mandate Merkel dhe para saj ishte për dy mandate Gerhard Schröder dhe para tij për 4 mandate Helmut Kol.
Nëse nuk të mjafton kjo po të çoj në Holandë. Mik im i ngushtë Mark Rutte 4 mandate. Po nuk të mjaftoi edhe kjo mund të ngjis nga Suedia që kanë qëndruar shumë më tepër, por nuk dua të të tremb pastaj. Kjo nuk është çështje sa do ti dhe sa dua unë, por sa do populli”, tha Rama.
