Pandemia COVID-19 vijon të shkaktojë viktima në Kosovë. Instituti Kombëtar i Shëndetësisë Publike njofton se në 24 orët e fundit kanë humbur jetën 12 persona nga COVID-19, ndërsa janë konfirmuar 524 raste të reja.
Në 24 orët e fundit në Kosovë janë kryer 1.555 teste për COVID-19. Ndërkohë, raportohet se janë shëruar 566 qytetarë nga COVID-19, ndërsa raste aktive janë 11.868.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 46.118 të prekur nga COVID-19, prej tyre 1.186 kanë vdekur, ndërsa 33.064 janë shëruar./ Opinion.al
