Banka Botërore ka planifikuar të japë 12 miliardë dollarë ndihmë, për vendet të cilat po luftojnë kundër përhapjes së koronavirusit të ri.
Paketa e urgjencës që përfshin kredi me kosto të ulët, grante dhe asistencë teknike, ka për qëllim të ndihmojë vendet që të përmirësojnë reagimin e tyre në shëndetin publik dhe të kufizojë transmetimin e virusit.
“Ajo që ne po përpiqemi të bëjmë është të kufizojmë transmetimin e sëmundjes”, tha presidenti i Bankës Botërore, David Malpass, për BBC.
Organizata tha se do t’i jepte përparësi shteteve më të varfra dhe më të rrezikuara ndaj koronavirusit, i cili është përhapur tashmë në më shumë se 70 vende të botës.
Nga ana tjetër, OBSH-ja ka konfirmuar më shumë se 92,000 raste të të infektuarve me virusin e ri, në të gjithë botën, nga të cilët më shumë se 80,000 janë në Kinë.
Vendi më i prekur jashtë Kinës mbetet Koreja e Jugut e cila të mërkurën raportoi 516 raste të reja të konfirmuara, duke e çuar numrin në 5,328.
Pas Koresë së Jugut, situata paraqitet më alarmante në Italinë fqinje, dhe në Iran./Opinion.al
