Agjenti i Operacionales në Policinë e Shtetit, Jeton Lami, ka refuzuar të flasë në seancën e sotme gjyqësore, në Gjykatën e Kurbinit, ku ndaj tij u dha masa e sigurisë arrest me burg pasi akuzohet se transportoi Ervis Martinaj, kur ky i fundit ishte shpallur në kërkim.
Sipas gazetares Klodiana Lala, Jeton Lami ka thënë se do flasë në një moment të dytë.
Avokati i tij mbrojtës tha se masa e sigurisë e gjykatës ishte e papërshtatshme për klientin e tij.
Ndërkohë që janë të paktën 110 persona të dyshuar në përgjim, janë kqyrur e sekuestruar kamerat e sigurisë të disa hoteleve në Durrës, Vlorë, Pezë, Tiranë, Fushë Kruj, Fushë Kuqe dhe në Kurbin.
Lala tha se në vetëm dy kamera sigurie shfaqet Ervis Martinaj, vetëm 3-4 ditë para se familja të denonconte zhdukjen e tij.
