Ka nisur zyrtarisht shpërndarja e materialeve zgjedhore në KZAZ nr 86 dhe nr87 Pallati i Sportit Vlorë në kuadër të procesit të votimit që do të zhvillohet më 11 Maj.
Mësohet se në Vlorë është çdo gjë gati për zhvillimin e procesit të votimit dhe më pas të numërimit të votave.
Çdo KZAZ e qytetit, por edhe ato në rang rrethi janë gati.
Sipas tvklan bëhet e ditur se në Vlorë pritet të nisë nga ora 15:00 shpërndarja e kutive në qendrat e votimit. Procesi ka nisur në orën 11:30 dhe po zhvillohet sipas një plani të detajuar të hartuar nga Komisioni i Zonës së Administrimit Zgjedhor, me qëllim garantimin e një organizimi sa më efikas dhe të sigurt.
Ndërkohë në mesditë gjithashtu ka nisur shpërndarja e materialeve zgjedhore edhe në tre KZAZ- të 58, 59 dhe 60 në bashkinë Fier.
Sipas ligjit zgjedhor ato janë tërhequr nga kryetarët dhe sekretarët e qëndrave të votimit ndërsa shpërndarja në kohë i paraprin organizimit , administrimit, zhvillimit dhe mbikqyrjes sa më të mirë të ecurisë së procesit zgjedhor në të 97 qëndrat e votimit për 157 761 zgjedhës.
Në KZAZ në 60 është bërë shpërndarja për 97 qendrat e votimit të qytetit, ndërsa në KZAZ- të 58 dhe 59 po bëhet shpërndarja për qëndrat e votimit në njësitë administrative. Ndërkohë në orën 12:00 të ditës së sotme ka filluar shpërndarja e bazës materiale zgjedhore edhe në bashkitë, Patos Roskovec dhe Mallakastër.
Autoritetet lokale dhe strukturat zgjedhore kanë konfirmuar se gjithçka po ecën sipas planifikimit dhe janë të angazhuara maksimalisht për të siguruar një proces transparent, të rregullt dhe të besueshëm për të gjithë qytetarët.
