Njëmbëdhjetë foshnja të porsalindura vdiqën në një zjarr në seksionin neonatal të një spitali rajonal në Tivaouane të Senegalit, tha Presidenti Macky Sall të mërkurën vonë.
“Sapo mësova me dhimbje vdekjen e 11 foshnjave të porsalindura në zjarrin që ndodhi në departamentin e neonatologjisë të spitalit Mame Abdou Aziz Sy Dabakh në Tivaouane”, shkroi Sall në Twitter.
Hetimi paraprak zbuloi se një qark i shkurtër shkaktoi zjarrin, i cili vrau 11 foshnja të porsalindura në Tivaouane. Kjo ngjarje e rëndë vjen një muaj pasi katër foshnja vdiqën në një incident të ngjashëm.
“Nënave dhe familjeve të tyre, u shpreh ngushëllimet më të thella”,-shtoi Sall.
Ministri i Shëndetësisë dhe Mirëqenies së Senegalit, Abdoulaye Diouf Sarr tha se “sipas hetimit paraprak, një qark i shkurtër shkaktoi zjarrin”.
Aktualisht në Gjenevë për Asamblenë Botërore të Shëndetit, Sarr tha se do të shkurtonte udhëtimin dhe do të kthehej menjëherë.
Policia dhe shërbimet zjarrfikëse ishin në spital, por nuk u dhanë detaje të tjera./Opinion.al
