Kjo e dielë, 28 nëntor shënon 109-vjetorin e krijimit të shtetit të parë shqiptar. Në këtë ditë të veçantë, në Vlorë dhe Tiranë janë organizuar ceremoni festive. Por sikurse edhe gjatë dy viteve të fundit për shkak të pandemisë Covid-19, edhe këtë vit do të ketë kufizim në festime.
Shqiptarët nga të gjitha trevat i bashkohen sot ceremonisë së ngritjes së flamurit në Vlorë, e cila fillon në orën 10:00 ku pritet të marrin pjesë krerët më të lartë të shtetit. Festime pritet të ketë edhe në qytete të tjera të vendit.
Më 28 Nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur. 28 Nëntori njihet ndryshe edhe si Dita e Flamurit, një ditë e rëndësishme për mbarë shqiptarët në trevat shqiptare dhe anembanë botës.
