Kryetari i Bashkisë së Tiranës, Erion Veliaj ka marrë mbështetje edhe nga artistja shqiptare me famë botërore Rita Ora, për rikandidimin e tij për një mandat të tretë si kryebashkiak.
Përmes një videomesazhi të shpërndarë nga vetë kryebashkiaku Veliaj në rrjete sociale, shihet Rita Ora teksa shpreh hapur mbështetjen për të, duke theksuar se Veliajt i pëlqejnë sfidat dhe i përcjell urimet në këtë sfidë të rradhës.
Sipas këngëtares shqiptare të gjithë kanë nevojë për energjinë e Veliajt, ndërsa shton se do e mbështesë atë deri në fund.
“Përshëndetje Erion! Rita Ora jam! Dua të të uroj më të mirën në sfidën tënde të radhës. E dimë që ti i pëlqen sfidat, dhe ne e duam këtë, kemi nevojë për energjinë tënde. Unë të mbështes deri në fund, dhe paç fat në të ardhmen”, shprehet Rita Ora.
Ndërkohë Veliaj e ka falenderuar dhe vlerësuar për mbështetjen e saj, me një koment krahas videos:
“Hej, Rita Ora, e çmoj shumë mbështetjen tënde. 🙏🏼 Me shumë dashuri nga Tirana”, shkruan Veliaj.
Kujtojmë që kohët e fundit jo vetëm artistët shqiptarë por edhe ata të huaj janë duke i uruar Veliajt fitoren dhe e mbështesin këtë të fundit nëpërmjet videomesazheve të ndryshme që publikojnë në rrjete sociale./Opinion.al
View this post on Instagram
