Rreth 1000 forca policie janë angazhuar sot për mbarëvajtjen e protestës së opozitës përballë Parlamentit. Ata kanë rrethuar të gjithë zonën, ndërsa ka pasur edhe një përplasje me banorët e Astirit. Sipas efektivëve, qytetarët kanë kërkuar të hyjnë në pedonale, një zonë e cila po mbahet nën kontroll të rreptë pasi prej aty do të hyjnë deputetët për në sallën e Parlamentit.
Gjithashtu, në Ministrinë e Brendshme ka mbërritur edhe një delegacion i huaj, ku ndodhet Ministri i Drejtësisë së Holandës, i cili ka një takim me ministrin Sandër Lleshaj. Policia ka tentuar disa herë të largojë qytetarët nga Ministria e Brendshme.
Por nga ana tjetër, protestuesit thonë se vazhdimisht janë provokuar dhe se nuk kanë kërkuar të çajnë kordonin e policisë.
“Ne e kishim lënë si vend grumbullimi, por ndodh e njëjta gjë gjithmonë. Ata vijnë nga shtyjnë, na thonë ikni sa më thellë. Nuk e kuptoj, ne jemi në bulevard. Të gjithë e kanë vetëm me banorët e Unazës së Re. Të njëjtën gjë bënë edhe herën e parë. Ne nuk kërkuam të hynim në pedonale”, ka thënë një qytetar./Opinion.al
