Për tu bërë oficer policie duhet të kesh kryer një fakultet dhe më pas të konkurosh në Akademinë e Sigurisë. Jo vetëm kaq, edhe mesatare mbi 8-të, gjuhë të huaj dhe përgatitje të mirë fizike. Rregullat e reja i ka bërë të ditura ministri i Brendshëm, Sandër Lleshaj. Ai thotë se më datë 1 shkurt nis rekrutimi i studentëve për në Akademinë e Sigurisë. Të gjithë ata që do shpallen fitues do të bëjnë një kurs disamujor dhe do të nisin punë në policinë kriminale.
Postimi i Lleshit në facebook
Nisin procedurat për rekrutimin e studentëve për Akademinë e Sigurisë
Në datën 1 shkurt, Policia e Shtetit do të nisë procedurat për rekrutimin e 100 studentëve që kanë përfunduar universitetin.
Ndër kriteret e përzgjedhjes dhe pranimit të kandidatëve janë: mesatarja e notave mbi 8; – nivel i mirë i gjuhës angleze, që do të verifikohet me provim; – kondicion trupor dhe fizik i përshtatshëm. Pranimi do të bëhet nga degët jurisprudencë, ekonomi, financë, informatikë dhe elektronikë. Kandidatët duhet të kenë përfunduar studimet në nivelin master.
Kjo hapje e Policisë për të marrë studentë të ekselencës bëhet pas ndryshimeve në ligjin për Policinë e Shtetit. Hapja synon afrimin e kapaciteteve profesionale për strukturat e hetimit të policisë kriminale.
/Ri-De
