Ka perfunduar pas afro 6 orësh mbledhja e kryeministrit Edi Rama me ministrat e kabinetit të tij qeverisës.
Kreu i qeverisë mblodhi kabinetin qeveritar për të bërë një analizë mbi punën e kryer në 100 ditët e para të qeverisjes, së mandatit të tretë.
Sipas “news 24” , mbledhja nisi që prej orën 09:30, pa praninë e mediave dhe u zhvillua në ‘Vila 30’, në ish-Bllok, ndërsa mësohet se fokusi kryesor i diskutimeve kanë qenë pandemia dhe procesi i rindërtimi.
Kjo analizë e punës së qeverisë vjen një ditë pas Samitit të “Ballkanit të Hapur” që u zhvillua në Tiranë me pjesëmarrjen e presidentit serb Aleksandër Vuçiç dhe kryeministrit të Maqedonisë, Zoran Zaev, ku u nënshkruan edhe 5 marrëveshje.
Partia Socialiste në zgjedhjet e 25 prillit mori mandatin e tretë radhazi, me 74 deputetë në Parlament. PS u bë kështu partia e parë që ka arritur ta sigurojë mandatin e tretë radhazi në Shqipëri./Opinion.al
