“Kanë kaluar dhjetë vjet nga vdekja e Osama bin Laden dhe ne e kemi mbajtur premtimin që u kemi bërë të gjithë atyre që humbën dikë në 11 shtator, se nuk do ta harronim kurrë”. Kështu deklaroi Presidenti Joe Biden, ndërsa shtoi se SHBA do të qëndrojnë vigjilente përballë kërcënimeve.
“Falë përpjekjeve të bëra deri më tani, ne po i japim fund luftës më të gjatë për Amerikën, atë në Afganistan, ku al Kaeda është dobësuar përfundimisht. Por Shtetet e Bashkuara do të qëndrojnë vigjilente përballë kërcënimeve. Ne do të vazhdojmë të monitorojmë dhe shkatërrojmë çdo kërcënim që shfaqet kundër nesh në Afganistan, “shtoi Biden./Opinion.al
