10 mijë vizitorë në kalanë e Gjirokastrës në 3 muaj

Turistë të shumtë e zgjedhin Gjirokastrën në këtë periudhë të vitit. Më e preferuar mbetet pjesa historike e qytetit e veçanërisht kalaja.

Ky atraksion ka pritur në 3 muajt e parë të këtij vitit rreth 10 mijë vizitorë. Turistët e huaj janë kryesisht nga shtete europiane, ndërsa vlerësojnë historinë e qytetit jugor shqiptar.

“Ky është një vend i bukur dhe i veçantë. Mirë se vini në Shqipëri”, u shpreh një turist.

“E cilësojmë një vend të veçantë. Me bukurinë e lumit Vjosa, me malet përreth. Qyteti i Gjirokastrës është shumë tërheqës. Një arkitekturë e mrekullueshme, godina karakteristike. Po na pëlqen shumë, tradita e këtushme”, tha një tjetër turist.

“Ne vimë nga Franca. Është hera e parë që vizitojmë Shqipërinë dhe këtë kështjellë të bukur. Është shumë tërheqëse, ne shëtisim këtu për disa orë, veçanërisht në qytet ku zbuluam monumente kulturore origjinale për nga mënyra e ndërtimit”, u shpreh një turiste franceze.

Edhe për guidat turistike, kjo periudhë e vitit mbetet shumë e preferuar nga turistët për shkak edhe të kushteve të motit.

“Bashkohen të gjitha vlerat, vlerat historike, kulturore, por dhe ato natyrore. Pra, mjedisi është shumë i këndshëm, nuk është shumë vapë dhe grupet e para kanë filluar. Janë të kënaqur, iu pëlqen qyteti i Gjirokastrës”, tha Viktor Avdiaj i cili ka udhëhequr këtë guidë turistike.

Gjirokastra pret çdo vit mijëra turistë, ndërsa veç kalasë, mjaft të lakmuara janë edhe muzetë e qytetit.

Klan News




Ju sugjerojmë

Para













TE FUNDIT